Kasimpasa e Florent Hadërgjonajt ka triumfuar përball Adana Demirsporit të Aro Muricit me rezultat 4-0 në kuadër të javës së 33-të në Superligën e Turqisë.
Dy reprezentuesit e Kosovës patën paraqitje të mirë, derisa gardiani ynë edhe pse pati katër gola të pranuara, ia doli të priste një penallti, e cila u ekzekutua pikërisht nga bashkëkombësi i tij.
Derisa Kasimpasa ishte duke fituar 1-0, Hadërgjonaj dhuroi një asistim te Jackson Muleka (45+1) për 2-0.
Adanan Demirspori mbeti më pas me dhjetë lojtarë në fushë, shkaku që në minutën e 45+3, Mario Balotelli u ndëshkua direkt me karton të kuq.
Në 45 minutat e dytë, vendasit fituan një penallti, por Hadërgjonaj dështoi ta mposhte Aro Muricin, që ia diktoi anën dhe e priti goditjen e tij.
Më pas, Kasimpasa shënoi edhe dy gola të tjerë, për të vulosur fitoren e tyre të thellë prej 4-0 ndaj Adana Demirsporit.
Pas javës së 33-të, Adana gjendet në vendin e pestë me 52 pikë, ndërsa Kasimpasa në të 11-in me 44 sosh.
Zëdhënësi i Hezbollahut vritet gjatë një sulmi në qendër të ...
Lela: Gjesti mund të ndihet më ‘i vogël’ se Edi
Prezantohen 4 drejtorët e rinj të policisë, Hoxha: Të garant...
Kosova dhe Maqedonia e Veriut me dy pika të përbashkëta kufi...
Agjenda e mbledhjes së përbashkët të Qeverisë së Kosovës dhe...
Foda: Kosova më nuk do të tolerojë të ofendohet
Skip to content
